Октоїх, глас 5, субота

Гражданський шрифтЦерковнослов'янськоюУкраїнськоюГрецькою

Глас 5

В пято́к ве́чера,

На Го́споди, воззва́х, стихи́ры святы́м му́чеником, и святи́телем и преподо́бным, гла́с 5: Подо́бен: Ра́дуйся:

Сти́х: А́ще беззако́ния на́зриши, Го́споди, Го́споди, кто́ постои́т; я́ко у тебе́ очище́ние е́сть.

Пла́мень нече́стия лю́таго страстоте́рпцы угаси́ша крове́й свои́х тече́ньми, благоче́стия све́тлость в ми́ре все́м возже́гше му́ченицы, бо́ги же лжеимени́тыя, и те́х злово́ния, и хра́мы до конца́ попали́ша: све́т возсия́ша су́щым на земли́ чисте́йший, и́мже и просвеща́еми, тьмы́ избега́ем безбо́жия, и пре́лести и́дольския уклоня́емся, Христу́ покланя́ющеся, подаю́щему ми́рови ве́лию ми́лость.

Сти́х: И́мене ра́ди Твоего́ потерпе́х Тя́, Го́споди, потерпе́ душа́ моя́ в сло́во Твое́, упова́ душа́ моя́ на Го́спода.

Словеса́ ерети́к злочести́вых, и ловле́ния удо́бь разруши́вше, ору́жницы Отца́ безнача́льнаго, Сы́на собезнача́льнаго, и Свята́го Ду́ха бы́сте, в трие́х ли́цех еди́нству Божества́, благочестному́дренне ве́рных науча́юще и утвержда́юще правосла́вную про́поведь. Те́мже и блажи́ми есте́, па́стырие всесвяще́ннии: я́ко на па́житех живоно́сных Христо́во ста́до упасо́сте, за него́же вся́ боле́зни и напа́сти многообра́зныя претерпе́сте.

Сти́х: От стра́жи у́тренния до но́щи, от стра́жи у́тренния да упова́ет Изра́иль на Го́спода.

Стра́сти плотски́я удо́бь до конца́ попра́, подви́гшееся преподо́бных сосло́вие, властели́на ума́ дея́нием доброде́телей прие́мше: и́мже бесо́вския вся́ ко́зни победи́ша до́блественне, и а́нгелом собесе́дницы яви́шася, я́ко безпло́тнии пожи́вше. И́мже и ны́не сра́дуются в вы́шних оби́телех, све́тло живу́ще, и Христу́ предстоя́т, от него́ прося́ще душа́м на́шым дарова́ти ве́лию ми́лость.

И́ны стихи́ры му́чеником, гла́с то́йже.

Сти́х: Я́ко у Го́спода ми́лость, и мно́гое у него́ избавле́ние, и то́й изба́вит Изра́иля от все́х беззако́ний Его́.

Щито́м ве́ры обо́лкшеся, и зна́мением кре́стным себе́ укре́пльше, к му́кам му́жески вда́шася, и диа́волю горды́ню и ле́сть упраздни́ша святи́и твои́, Го́споди, те́х моли́твами я́ко всеси́льный Бо́г, ми́ру ми́р низпосли́, и душа́м на́шым ве́лию ми́лость.

Сти́х: Хвали́те Го́спода вси́ язы́цы, похвали́те его́ вси́ лю́дие.

И па́ки глаго́ли: Щито́м ве́ры:

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

О земны́х все́х небре́гше, и на му́ки му́жески дерзну́вше, блаже́нных наде́жд не погреши́сте, но небе́сному Ца́рствию насле́дницы бы́сте, прехва́льнии му́ченицы: иму́ще дерзнове́ние к Человеколю́бцу Бо́гу, ми́ру ми́р проси́те, и душа́м на́шым ве́лию ми́лость.

Сла́ва, и ны́не, Богоро́дичен: В Чермне́м мо́ри, Неискусобра́чныя Неве́сты о́браз написа́ся иногда́. Та́мо Моисе́й, раздели́тель воды́ зде́ же Гаврии́л, служи́тель чудесе́. Тогда́ глубину́ ше́ствова немо́кренно Изра́иль: ны́не же Христа́ роди́ безсе́менно Де́ва. Мо́ре по проше́ствии Изра́илеве пребы́сть непрохо́дно: непоро́чная по рождестве́ Емману́илеве пребы́сть нетле́нна. Сы́й, и пре́жде сы́й, явле́йся я́ко челове́к, Бо́же, поми́луй на́с.

Та́же, Све́те ти́хий: Проки́мен дне́. Посе́м: Сподо́би, Го́споди, в ве́чер се́й:

На стихо́вне стихи́ры, гла́с 5:

Моли́те за ны́, святи́и му́ченицы, да изба́вимся от беззако́ний на́ших: ва́м бо дана́ бы́сть благода́ть моли́тися о на́с.

Несы́тною любо́вию души́, Христа́ не отверго́стеся, святи́и му́ченицы: лю́тыя и разли́чныя ра́ны страсте́й претерпе́сте, мучи́телей горды́ню низложи́сте: непрекло́нну и невреди́му ве́ру сохра́ньше, на небеса́ преста́вистеся. Те́мже и дерзнове́ние иму́ще к нему́, проси́те дарова́ти на́м ве́лию ми́лость.

Ме́ртвен: Помяну́х проро́к вопию́ща: а́з е́смь земля́ и пе́пел, и па́ки разсмотри́х во гробе́х, и ви́дех ко́сти обнаже́нныя, и ре́х у́бо: кто́ е́сть ца́рь, или́ во́ин, или́ бога́т, или́ ни́щ, или́ пра́ведник, или́ гре́шник? Но упоко́й, Го́споди, с пра́ведными рабы́ Твоя́, я́ко Человеколю́бец.

Сла́ва, и ны́не, Богоро́дичен: Обра́дованная, хода́тайствуй Твои́ми моли́твами, и испроси́ душа́м на́шым мно́жество щедро́т, и очище́ние мно́гих прегреше́ний мо́лимся.

Та́же, Ны́не отпуща́еши: Трисвято́е. По О́тче на́ш: И отпу́ст.

В пято́к на повече́рии,

кано́н моле́бный пресвяте́й Богоро́дице. Гла́с 5:

Пе́снь 1

Ирмо́с: Коня́ и вса́дника в мо́ре Чермно́е, сокруша́яй бра́ни, мы́шцею высо́кою, Христо́с истрясе́: Изра́иля же спасе́, побе́дную пе́снь пою́ща.

Вси́ Тя челове́честии ро́ди хва́лят, я́ко дре́вле, Де́во, проро́чески прорекла́ еси́: и мене́ у́бо приими́ пою́ща Тя́, Влады́чице, и просвети́, и вразуми́.

Притупи́ла еси́ сме́рти жа́ло, и мирски́й гре́х, Де́во, и́стинную ро́ждши Жи́знь, ея́же ра́ди, Влады́чице, притупи́ страсте́й мои́х о́стрыя стре́лы вско́ре.

Сла́ва: Еди́на испещре́на деви́ческими ря́снами от ве́ка я́вльшися, смоко́вную ри́зу Ада́мову Ты́ расто́ргнула еси́: те́мже мя́ ны́не облецы́ целому́дрия оде́ждею моли́твами Твои́ми.

И ны́не: Бога́тство и Боже́ственную сла́ву стяжа́ша у́бо мно́ги дще́ри пре́жде я́ве, но без сравне́ния, Влады́чице, Ты́ все́х превозшла́ еси́. Те́мже мя́ ны́не обогати́ Небе́сными и Боже́ственными благода́тьми.

Пе́снь 3

Ирмо́с: Водрузи́вый на ничесо́мже зе́млю повеле́нием Твои́м, и пове́сивый неодержи́мо тяготе́ющую, на недви́жимем, Христе́, ка́мени за́поведей Твои́х, Це́рковь Твою́, утверди́, Еди́не Бла́же и Человеколю́бче.

Глубина́ и высота́ в Тебе́ познава́шеся, Де́во Пречи́стая, Бо́жией Му́дрости непостижи́мей, от Твои́х ложе́сн ро́ждшейся: е́юже глубины́ се́рдце мое́ изба́ви мудрова́ний змии́ных.

И́же пре́жде перна́тыя, и га́ды, от воды́ соста́вил еси́ сло́вом, не су́щыя пре́жде: Ты́ а́бие, Христе́, от кро́ве Чи́стыя Де́вы, Боже́ственнаго Твоего́ воплоще́ния оде́жду стра́нну устро́ил еси́.

Сла́ва: Ты́ Еди́на очище́ние яви́лася еси́ естеству́, Пречи́стая, в Ню́же о́гнь Боже́ственный неопа́льно все́лься, сие́ очи́сти я́ве: Ты́ у́бо согреше́ний и страсте́й мои́х скве́рну очи́сти, и Твои́ми моли́твами просвети́ мя.

И ны́не: Ча́шу но́ваго виногра́да ро́ждия, напоя́ющую я́ве ве́рныя во оставле́ние согреше́ний, Тя́, Пречи́стая, ве́дый, молю́: испуще́нием Боже́ственныя воды́ напо́й се́рдце мое́.

Пе́снь 4

Ирмо́с: Боже́ственное Твое́ разуме́в истоща́ние, прозорли́во Авваку́м, Христе́, со тре́петом вопия́ше Тебе́: во спасе́ние люде́й Твои́х, спасти́ пома́занныя Твоя́ прише́л еси́.

Неора́на Ты́ яви́лася еси́ бразда́, несе́янный Боже́ственный прозя́бшая Кла́с, И́мже а́лчуща мя́ накорми́ Боже́ственными дарова́ньми же и благода́тьми.

Боля́ща мя́ и́скренно сме́ртне, и душе́вных страсте́й огне́м содержи́ма, Влады́чице, моли́тв Твои́х водо́ю напои́вши, вско́ре возста́ви.

Сла́ва: Я́ко су́щий Бо́жий Гра́д одушевле́н, его́же ре́ки мы́сленныя веселя́т стремле́ния, моли́тв Твои́х столпо́м души́ моея́ хра́мину утверди́.

И ны́не: О́блак Тя́ ве́дый, одожди́вший Пра́вду и́стинную, молю́, Пречи́стая Влады́чице, от все́х оби́дящих мя́ изба́вити раба́ Твоего́ вско́ре.

Пе́снь 5

Ирмо́с: Одея́йся све́том я́ко ри́зою, к Тебе́ у́тренюю, и Тебе́ зову́: ду́шу мою́ просвети́ омраче́нную, Христе́, я́ко Еди́н Благоутро́бен.

Возмуще́ние и во́лну греха́, и страсте́й мои́х, Де́во Влады́чице, до конца́ утиши́, безстра́стия ро́ждши Вино́внаго.

Поста́в сы́й свы́ше Христо́в яви́ся, благоле́пия оде́жды Боже́ственныя, доброде́телей оде́ждею, Чи́стая, обнаже́нную ду́шу мою́ облецы́.

Сла́ва: Очище́ние ми́ да́руй согреше́ний, Твои́ми мольба́ми, Чи́стая Де́во, Я́же очище́ние Боже́ственное ро́ждшая на́м Христа́ и Го́спода.

И ны́не: Стру́пы, я́звы и гное́ния грехо́вная, рукоде́йствия, моли́твами потреби́ ми, Де́во, и си́лу рабу́ Твоему́ пода́ждь.

Пе́снь 6

Ирмо́с: Неи́стовствующееся бу́рею душетле́нною, Влады́ко Христе́, страсте́й мо́ре укроти́, и от тли́ возведи́ мя́, я́ко Благоутро́бен.

Я́же Све́т ро́ждшая свети́лам твори́тельный, ду́шу мою́ ны́не просвети́, и изба́ви от страсте́й омраче́ния, Всесве́тлая.

Ме́рры Услади́вшаго во́ды пре́жде, Богоро́дице, Твоего́ Сы́на моли́, изба́вити мя́ стра́сти лю́тыя, и го́рести вско́ре.

Сла́ва: Возмуща́ет пото́к страсте́й ду́шу мою́, Пречи́стая: но сего́ изсуши́ моли́твами Твои́ми, и по́мыслы лука́выя потреби́.

И ны́не: Христо́с избавля́я челове́ки прии́де от Сио́на, из чре́ва Твоего́, Влады́чице Пренепоро́чная: И́мже и мене́ от напа́стей изба́ви и скорбе́й.

Та́же, Го́споди, поми́луй, три́жды. Сла́ва, и ны́не:

Седа́лен, гла́с 5:

Вску́ю уныва́ющи душе́ стра́стная, забы́ла еси́ Бо́га Твоего́ ми́лующаго тя́? И повеле́ния Его́ преоби́девши, в блуде́ житие́ скончава́еши умовре́дно: отступи́ от зло́бы, Богоро́дице вопию́щи: отча́янную ду́шу мою́ поми́луй.

Пе́снь 7

Ирмо́с: Превозноси́мый отце́в Госпо́дь пла́мень угаси́, о́троки ороси́, согла́сно пою́щыя: Бо́же, благослове́н еси́.

Ужаса́ются и трепе́щут Твоего́ призыва́ния, Пречи́стая, бесо́встии полцы́: от ни́хже избавля́ющи мя́ спаси́, и соблюди́, покрыва́ющи от вся́каго вре́да.

Неизглаго́ланная Сла́ва Твоя́, Де́во, сла́вы бо Го́спода родила́ еси́: те́мже мя́ сподо́би сла́вы Сы́на Твоего́ и Бо́га моего́, Твои́ми моли́твами.

Сла́ва: Преклони́ся к мольба́м Твоего́ раба́, Влады́чице, и изба́ви мя́ вско́ре бе́д и скорбе́й, и вся́ких искуше́ний, ви́димых и неви́димых.

И ны́не: Всего́ мя́ страстьми́ студа́, Пречи́стая, окаля́вшася и оскверни́вшася, чистото́ю омы́й, и уясни́, Де́во, моли́твами Твои́х окропле́ний.

Пе́снь 8

Ирмо́с: Тебе́ Вседе́телю в пещи́ о́троцы, всеми́рный ли́к спле́тше, поя́ху: дела́ вся́кая Го́спода по́йте, и превозноси́те во вся́ ве́ки.

Вода́ непло́дствия стра́стна, души́ моея́ ложесна́ непло́дна сотвори́, и изсуши́: одожди́ ми ле́гкий О́блаче, Боже́ственную ро́су, я́ко да возращу́ плоды́ покая́ния.

Во́лну помышле́ний стра́стных и бу́рю утиши́, Пречи́стая, Твои́ми моли́твами: напра́ви же мя́ к тече́нию безстра́стия, да Тя́ сла́влю те́пле во ве́ки вся́.

Сла́ва: Две́ре мы́сленная, и затворе́ная врата́, и́миже Еди́н про́йде Бо́г, две́ри загради́ и заключи́ страсте́й мои́х, и упова́ния отве́рзи ми́ врата́.

И ны́не: Возми́ от мене́ прегреше́ний бре́мя, Ма́ти Де́во, Я́же Еди́на взе́млющаго ми́ра всего́ ве́сь гре́х, ро́ждшая неска́занно А́гнца Бо́жия и Сло́ва.

Пе́снь 9

Ирмо́с: Иса́ие лику́й, Де́ва име́ во чре́ве, и роди́ Сы́на Емману́ила, Бо́га же и Челове́ка, Восто́к и́мя Ему́: Его́же велича́юще, Де́ву ублажа́ем.

Оскверни́в я́ко челове́к ду́шу мою́ прегреше́ньми мно́гими, и страстьми́ плотски́ми окаля́вся, Тя́ молю́ ны́не приле́жно, и ми́л ся́ де́ю: очи́сти мя́, Чи́стая, Твои́ми моли́твами от вся́кия зло́бы.

Воли́теля ми́лости родила́ еси́, щедро́т Человеколю́бца Бо́га, Еди́наго блага́го, долготерпели́ваго и благоутро́бнаго: Его́же благопреме́нна покажи́ ми, Чи́стая, Твои́ми мольба́ми, и согреше́ний разреше́ние пода́ждь.

Сла́ва: Дрема́нием одержи́ма уны́ния, и сластьми́ спя́ща мя́ ны́не, Влады́чице, раба́ Твоего́ воздви́гни к доброде́телем дея́ний благи́х, неусы́пными Твои́ми Ма́терними моли́твами.

И ны́не: Благословя́ благословлю́ Тя, Пречи́стая, и велича́ю те́пле: благослови́ мя у́бо Твоего́ певца́, и вся́ческих ну́ждных и печа́льных изба́ви, и сохрани́ Твои́ма дла́ньма непобеди́ма.

Та́же, Досто́йно е́сть: Покло́н. И Трисвято́е. По О́тче на́ш: тропари́ и про́чее обы́чно, и отпу́ст.

Суббота

В суббо́ту у́тра,

по 1-м стихосло́вии седа́льны му́ченичны, гла́с 5:

Сия́ет дне́сь па́мять страстоте́рпец, и́мать бо и от небе́с зарю́: ли́к а́нгельский торжеству́ет, и ро́д челове́ческий спра́зднует. Те́мже мо́лятся Го́сподеви, поми́ловатися душа́м на́шым.

Сти́х: Ди́вен Бо́г во святы́х Свои́х, Бо́г Изра́илев.

Чудеса́ святы́х Твои́х му́ченик сте́ну неразори́му на́м дарова́л еси́, Христе́ Бо́же: те́х моли́твами ве́рныя лю́ди твоя́ утверди́, я́ко Еди́н Бла́г и Человеколю́бец.

Сла́ва, и ны́не, Богоро́дичен: Ра́дуйся, две́ре Госпо́дня непроходи́мая, ра́дуйся, стено́ и покро́ве притека́ющих к Тебе́, ра́дуйся, необурева́емое приста́нище, и Неискусобра́чная, ро́ждшая пло́тию Творца́ Твоего́ и Бо́га: моля́щи не оскудева́й о воспева́ющих, и кла́няющихся Рождеству́ Твоему́.

По 2-м стихосло́вии седа́льны, му́ченичны, гла́с 5:

Го́споди, ча́ше Страсте́й Твои́х страстоте́рпцы Твои́ поревнова́вше, оста́виша жите́йскую красоту́, и бы́ша а́нгелом соприча́стницы: те́х мольба́ми пода́ждь душа́м на́шым ми́р Христе́ Бо́же, и ве́лию ми́лость.

Сти́х: Ди́вен Бо́г во святы́х Свои́х, Бо́г Изра́илев.

Святы́х му́ченик исправле́нием небе́сныя си́лы преудиви́шася, ка́ко в те́ле ме́ртвеннем подви́гшеся до́бре, безпло́тнаго врага́ си́лою кре́стною победи́ша неви́димо: и мо́лятся Го́сподеви, поми́ловатися душа́м на́шым.

Сти́х: Блаже́ни, я́же избра́л и прия́л еси́, Го́споди, и па́мять и́х в ро́д и ро́д.

Та́же седа́лен, поко́ин:

Поко́й, Спа́се на́ш, с пра́ведными рабы́ Твоя́, и те́х всели́ во дворы́ твоя́, я́коже пи́сано е́сть, презира́я вся́ согреше́ния и́х, я́ко Бла́г, во́льная и нево́льная, и вся́ я́же в ве́дении и не в ве́дении, Человеколю́бче.

Сла́ва, и ны́не, Богоро́дичен: От Де́вы возсия́вый ми́ру, Христе́ Бо́же, сы́ны све́та То́ю показа́вый, поми́луй на́с.

Кано́н святы́м му́чеником, и святи́телем, и преподо́бным, и усо́пшым. Творе́ние Ио́сифово, [его́же краестро́чие: Твои́м, Христе́, рабо́м сия́ пе́сни приношу́.] Гла́с 5:

Пе́снь 1

Ирмо́с: Зе́млю, на ню́же не возсия́, ни ви́де со́лнце когда́: бе́здну, ю́же не ви́де на́гу широта́ небе́сная, Изра́иль про́йде невла́жно, Го́споди, и вве́л еси́ его́ в го́ру святы́ни Твоея́, хва́ляща и пою́ща побе́дную пе́снь.

Му́ченичен: Телеса́ предаю́ще некро́тким судия́м, претерпе́сте нестерпи́мыя ра́ны до́блии страда́льцы, ча́юще прия́ти по́чести свы́ше: и введе́ ва́с Христо́с в ве́чныя оби́тели, ра́дующихся и пою́щих побе́дную пе́снь.

Святи́телем: Преподо́бнии и пра́веднии, и святи́телие, благосла́внии соверши́вше повеле́ния Бо́жия, упасо́ша лю́ди, и до́бре наста́виша к воде́ ра́зума: и пото́ки сла́дости досто́йно восприя́ша, источа́юще благода́тию исцеле́ний ре́ки.

Напра́ви мя́, Го́споди, к приста́нищем живота́, моли́твами проро́к пресла́вных, прему́дрых первосвяти́телей, и свяще́нных же́н пострада́вших кре́пко, и посто́м врага́ попра́вших, му́жеским умо́м, Боже́ственною Тебе́ благода́тию я́вльшагося на земли́.

Сла́ва, поко́ин: Тебе́ мо́лим благопреме́ннаго Бо́га: упоко́й в не́дрех Авраа́мовых рабы́ Твоя́, Христе́, я́же к Тебе́ преста́вил еси́ от жите́йскаго мяте́жа, и сподо́би и́х све́та ве́чнаго, те́х согреше́ния презира́я я́ко бла́г.

И ны́не: Ра́дуйся, Тебе́ зове́м, ро́ждшей ра́дость, Всепе́тая: просвети́ на́шя умы́ и ду́шы, и к стезя́м ра́зума все́х напра́ви, и прегреше́ний все́м очище́ние да́ти моли́, еди́на Богоневе́сто, Сы́на Твоего́ и Бо́га.

И́н кано́н усо́пшым, пое́мый на ряду́, иде́же не́сть мине́и, [его́же краегране́сие: Феофа́нов пя́тый над ме́ртвыми кано́н.]    Гла́с 5.

Пе́снь 1

Ирмо́с: Спаси́телю Бо́гу, в мо́ри лю́ди немо́крыми нога́ми наста́вльшему, и фарао́на со всево́инством пото́пльшему, Тому́ Еди́ному пои́м, я́ко просла́вися.

Припе́в: Ди́вен Бо́г во святы́х Свои́х, Бо́г Изра́илев.

Боже́ственною любо́вию страстоте́рпцы Христо́вы мучи́телей горды́ню попра́ша: преста́вленным же ве́рою ми́лостивное про́сят оставле́ние и поко́й.

Припе́в: Упоко́й, Го́споди, ду́шы ра́б Твои́х.

Во святы́х селе́ниих, во дво́рех Твои́х, Христе́, преста́вленныя всели́! И́же до́лг за ни́х пролия́вый кро́вь Твою́, Влады́ко, пречестне́йшую.

Сла́ва: Прему́дрость Бо́жия, И́же изве́стно начерта́ние все́ нося́й Роди́телево: и́хже прия́т, Ще́дре, Са́м упоко́й, подава́я и́м присносу́щное блаже́нство.

И ны́не: Светоно́сная се́нь, златови́дный ковче́г, Боже́ственное Сло́во обдержа́щи воплоще́нное на́с ра́ди, и разори́вшее сме́ртную си́лу, яви́лася еси́, Всенепоро́чная.

Пе́снь 3

Ирмо́с: Дви́жимое се́рдце мое́, Го́споди, волна́ми жите́йскими, утверди́, в приста́нище ти́хое наставля́я я́ко Бо́г.

Па́лицами бие́мо не пощаде́сте те́ло, и мечи́ секо́мо всехва́льнии ору́жницы, укрепля́еми наде́ждею му́ченицы ве́чных красо́т.

Святи́тельства оде́жду просвети́сте, ви́ды доброде́тельными упа́сше Христо́во ста́до на па́житех живо́тных.

Пло́ть умерщвля́юще воздержа́нием, преподо́бнии, жи́зни Боже́ственней причасти́шася: те́х, Христе́, свяще́нными моли́твами от бе́д изба́ви на́с.

Сла́ва: Усо́пшым та́мошний поко́й, Человеколю́бче, пода́ждь, я́же соде́яша на земли́, до́лги отпуща́я я́ко бла́г.

И ны́не: Благослове́нную в жена́х Тя́ я́ко ви́де, сосло́вие же́нское пострада́, и Твоему́ Сы́ну, Де́во Ма́ти, приведе́ся.

И́н

Ирмо́с: Утверди́ ны́, Бо́же Спа́се, Твое́ю си́лою, и воздви́гни ро́г Твоея́ Це́ркве, правове́рно хва́лящих Тя́.

Му́жески подви́гшеся страда́льцы, мучи́тельским стремле́нием проти́ву ста́ша, и мо́лятся о усо́пших Христу́.

Зако́ны Твои́ми воспита́вшихся, преста́вльшихся, Преблаги́й, в све́тлых Твои́х селе́ниих прие́мь, упоко́й.

Сла́ва: Ми́лостивый Еди́не Бо́же, я́же избра́л еси́, сподо́би святы́х све́тлостей, презира́я те́х согреше́ния.

И ны́не: Пое́м Твое́ Рождество́, Чи́стая, И́мже пе́рваго осужде́ния и кля́твы изба́вихомся, и от сме́рти свободи́хомся.

Пе́снь 4

Ирмо́с: Услы́шах, Го́споди, слу́х Тво́й, и убоя́хся, разуме́х смотре́ние Твое́, и просла́вих Тя́, Еди́не Человеколю́бче.

Си́лою Твое́ю, Го́споди, страстоте́рпцы вра́жию си́лу попра́ша, и кре́пость бы́ша ве́рным, и вели́кое утвержде́ние.

Преподо́бнии вси́ ра́достию ра́дуются, и одева́ются свяще́нницы Боже́ственнии в пра́вду, я́коже в ри́зу.

Воспои́м вси́ богоглаго́ливыя Бо́жия проро́ки, и почти́м же́н сосло́вие, я́же до́бре тече́ние сконча́вшыя.

Сла́ва: К приста́нищу твоего́ Ца́рствия, Влады́ко, устреми́в, упоко́й, и́хже преста́вил еси́ от мяте́жа и бу́ри настоя́щаго жития́.

И ны́не: Безле́тный бы́сть ны́не под ле́том из Тебе́, Де́во: того́ моли́ разруши́ти вся́ души́ моея́ ле́тная прегреше́ния.

И́н

Ирмо́с: Услы́шах, Го́споди, из гро́ба Твое́ воста́ние, и просла́вих Твою́ непобеди́мую си́лу.

Соприсносу́щна Тя́ Отцу́ испове́давше благоче́стно му́ченицы, Христе́, убие́ни бы́ша, и вопию́т Ти́: изба́ви и́хже прия́л еси́ рабы́ Твоя́.

И́же в мертвеце́х бы́вый еди́н свобо́дь мертве́ц, Христе́, и мертвеце́м жи́знь ве́чную да́руя, поко́й да́ждь ны́не преста́вленым рабо́м Твои́м.

Сла́ва: Прише́дый во е́же спасти́ заблу́ждшыя, Христе́, ра́йскаго сподо́би вселе́ния, я́же преста́вил еси́ в ве́ре, оправда́вый благода́тию.

И ны́не: Осени́ Тя Вы́шняго, Отрокови́це, си́ла, в Тебе́ ра́й соде́ла живо́тный, дре́во иму́щий посреде́, Хода́тая и Го́спода.

Пе́снь 5

Ирмо́с: Окая́нную ду́шу мою́, нощеборю́щуюся со тьмо́ю страсте́й, предвари́в уще́дри, и возсия́й мы́сленное со́лнце днесве́тлыя звезды́ во мне́, во е́же раздели́ти но́щь от све́та.

Исцеле́ние неду́гующым источа́ют ко́сти му́ченик: не сокруши́вшеся бо зло́бою, и на́ша обновля́ют сокруше́ния: вся́ же ко́сти злоче́стия я́ко пра́х истни́ша.

Зако́ны Твоя́ соблюда́юще святи́телие упасо́ша лю́ди, и наста́виша, Ще́дре, к Животу́ бу́дущему: преподо́бнии же умертви́ша страсте́й мучи́тельство соверше́нным умо́м.

Да почту́тся проро́цы, и с ни́ми вси́ пра́ведницы ве́рою, и да похва́лятся преподо́бно пожи́вшии, и му́ками просвети́вшиися на земли́ Боже́ственныя жены́, я́ко рабы́ Христо́вы.

Сла́ва, поко́ин: Я́же от земли́ прия́т, в небе́сных учини́ селе́ниих ве́рныя рабы́ Твоя́, те́х презира́я прегреше́ния, за премно́гую бла́гость, Христе́, воплоще́йся на́с ра́ди земны́х.

И ны́не, Богоро́дичен: Пое́м Тя́, Де́во, ея́же ра́ди яви́ся Бо́г су́щым на земли́, челове́к бы́в, вопию́ще: ра́дуйся, земле́ благоплодови́тая, плодонося́щая кла́с та́йны, пита́ющ вся́кое дыха́ние.

И́н

Ирмо́с: У́тренююще вопие́м Ти́, Го́споди, спаси́ ны, Ты́ бо еси́ Бо́г на́ш, ра́зве бо Тебе́ ино́го не зна́ем.

Му́ченик прие́м, Го́споди, моле́ния, ду́шы, я́же преста́вил еси́, со избра́нными Ти́ причти́.

Предре́кл еси́, не узре́ти сме́рти ве́рующым в Тя́: те́мже, Влады́ко, усо́пшыя упоко́й.

Сла́ва: Красоты́ до́му Твоего́, Го́споди, Твоя́ рабы́ улучи́ти сподо́би, и сла́дкаго прича́стия.

И ны́не: Сло́во, Е́же Отцу́ соприсносу́щное, от Де́вы вопло́щься, умертви́ сме́ртию сме́рть.

Пе́снь 6

Ирмо́с: Я́коже проро́ка от зве́ря изба́вил еси́, Го́споди, и мене́ из глубины́ несодержи́мых страсте́й возведи́, молю́ся: да приложу́ призре́ти ми́ к Хра́му свято́му Твоему́.

Телеса́ преда́вше на ра́ны Боже́ственнии му́ченицы, мучи́телей рука́м, веселя́хуся душе́ю: Боже́ственное бо зря́ху вои́стинну, присносу́щное ра́дование и Боже́ственная воздая́ния.

Сла́ва прему́дрым святи́телем и преподо́бным Ты́ еси́, Христе́: моли́твами и́х Твоя́ лю́ди уще́дри, и́хже свое́ю кро́вию стяжа́л еси́, я́ко Человеколю́бец.

От Тебе́, Го́споди, просвеща́ющеся умо́м проро́цы, проявля́ют я́сно да́льняя я́коже бли́з: жены́ же си́лою Твое́ю держа́ву вра́жию разруши́ша, страда́нием и посто́м.

Сла́ва: Преста́вленыя от на́с ве́рныя рабы́ Твоя́, лико́м избра́нных сопричта́в бла́же, упоко́й, Го́споди, вся́ те́х согреше́ния презира́я за милосе́рдие.

Богоро́дичен: Созда́вый в нача́тце Е́ву, Го́споди, Де́вы в ложесна́ вше́д, на́ше соде́ловаеши обновле́ние в ра́бий о́браз обо́лкся, и́же Влады́ка вся́ческих.

И́н

Ирмо́с: Обы́де мя́ бе́здна, гро́б мне́ ки́т бы́сть: а́з же возопи́х к Тебе́ Человеколю́бцу, и спасе́ мя десни́ца Твоя́, Го́споди.

Во́инство му́ченик Твои́х, вы́шним си́лам подо́бящеся, Христе́, мо́лят Тя́, пода́ждь Человеколю́бче, преста́вленым е́же от Тебе́ наслажде́ние.

В ме́стех прохлажде́ния, в ме́стех святы́х све́тлости, в ме́стех ослабле́ния, Христе́, я́ко человеколю́бец, и́хже прия́л еси́, учини́ рабы́ Твоя́.

Сла́ва: Очи́сти рабы́ Твоя́, и те́м согреше́ний проще́ние пода́ждь, Человеколю́бче, и жи́зни сподо́би нетле́нней, и блаже́нному насле́дию.

Богоро́дичен: Зача́тия безсе́меннаго Твоего́, кто́ сло́вом изрещи́ мо́жет чудесе́, Всенепоро́чная: Бо́га во родила́ еси́, за милосе́рдие к на́м прише́дша.

Пе́снь 7

Ирмо́с: Огня́ гаси́лище отроко́в моли́тва, ороша́ющая пе́щь, пропове́дница чудесе́, не опаля́ющи, ниже́ сожига́ющи песносло́вцы Бо́га Оте́ц на́ших.

Вы́ разжиза́еми лю́тых муче́ний огне́м, любле́ние тепле́йшее му́ченицы сла́внии показа́сте ко Го́споду, прохлажда́юще ва́с по́мыслом благочести́вым.

Прему́дростию ду́ха украси́вшеся прему́дрии, и све́тло пожи́сте, священноде́йствующе благода́ти Ева́нглиа, и я́ко Бо́жия служи́тели похваля́ем ва́с.

Вы́ умертви́вше пло́ть боле́зньми мно́гими, жи́зни сподо́бистеся бу́дущия, преподо́бнии, моля́щеся сию́ получи́ти на́м умерщвле́ным страсте́й приложе́ньми.

Блаже́нный ли́к Бо́жиих проро́к, и же́н собо́р, подви́гшыяся посто́м, и страда́нием низложи́вшыя врага́, да похва́лятся ве́рно.

Сла́ва: Ме́ртвым приобщи́вся все́х жи́знь сло́ве, ны́не оста́вльших жития́ мяте́ж, ко приста́нищу Твоему́ Боже́ственному упра́ви, согреше́ния и́х презира́я, Бла́же.

И ны́не: И́же Богоро́дицу Тя́ му́дрствующии ра́зумом пра́вым, огня́ ве́чнаго и тьмы́ да изба́вимся хода́тайством Твои́м, Влады́чице, и неви́димых вра́г борю́щих на́с.

И́н

Ирмо́с: В пещи́ о́гненней песносло́вцы спасы́й о́троки, благослове́н Бо́г оте́ц на́ших.

Ны́не непристу́пнаго све́та насы́титися, пода́ждь, Спа́се, преста́вленым, мольба́ми страстоте́рпец Твои́х.

В Це́ркви пе́рвенец, Христе́, в ве́ре сконча́вшихся, Ще́дре, сопричти́.

Сла́ва: Укра́шены оде́ждами нетле́ния Твоя́ Рабы́, преста́вленыя к Тебе́, Спа́се, упоко́й.

И ны́не: То́к сме́ртнаго существа́ отсекла́ еси́, Пречи́стая, жи́знь без се́мене заче́нши, Всенепоро́чная.

Пе́снь 8

Ирмо́с: А́нгелов со́нм, челове́ков собо́р, Царя́ и Зижди́теля все́х, свяще́нницы по́йте, благослови́те леви́ти, лю́дие превозноси́те во вся́ ве́ки.

Преплы́вше муче́ний пучи́ну окормле́нием сло́ва, страда́льцы крове́й тече́нием погрузи́сте вся́ полки́ льсти́ваго, и живете́ во ве́ки.

Прему́дрии бы́вше священноде́лателие, свяще́нно на воде́ правосла́вия ва́м вве́ренное ста́до препита́сте: вои́стинну сла́дости кра́сных пото́ков наслажда́етеся во ве́ки.

Свети́ла преподо́бнии ве́рным яви́стеся, я́ко соверши́вше дела́ све́та, и к Боже́ственней све́тлости преста́вистеся: тьмы́ на́с свободи́ти моли́теся Влады́це.

Весели́ся сосло́вие же́нское, по́честей исполне́ние вся́ких прие́мшее ра́нами, и ли́к ра́дуйся проро́ческий, и пра́ведных, угоди́вших Христу́ во ве́ки.

Сла́ва: Ору́жие обраща́ющееся ны́не, да́ждь, Влады́ко, невозбра́нно проити́, преста́вленым от жития́ рабо́м Твои́м: вну́трь рая́ те́х вселя́я, я́ко еди́н ми́лостив.

Богоро́дичен: Я́ко врата́ вводя́щая к Боже́ственному вхо́ду, я́ко добровосхо́дную ле́ствицу Бо́жию, я́ко спаса́ющымся незаблу́дную наста́вницу, обра́дованную воспои́м Де́ву Мари́ю.

И́н

Ирмо́с: Из Отца́ пре́жде ве́к рожде́ннаго Сы́на и Бо́га, и в после́дняя ле́та воплоще́ннаго от Де́вы Ма́тере, свяще́нницы по́йте, лю́дие превозноси́те во вся́ ве́ки.

И́же святы́х му́ченик по́двиги прие́мый, и те́х ра́ди упокоя́яй в ве́ре Твое́й усо́пшыя, Тебе́, Спа́се, пое́м, и превозно́сим во вся́ ве́ки.

Преми́рныя Твоея́ сла́вы сия́нием озаря́тися, я́же от на́с преста́вленыя сподо́би, я́ко благоутро́бен, Тебе́, Спа́се, пою́щыя, и превознося́щыя во вся́ ве́ки.

Сла́ва: С ли́ки святы́х, и́хже преста́вил еси́, учини́, и Авраа́му, в не́дрех с Ла́зарем причти́ Тебе́, Спа́се, пою́щих, и превознося́щих во вся́ ве́ки.

Богоро́дичен: Укра́шена добро́тою чистоты́, Де́во Ма́ти, добротво́рнаго благоле́пия жили́ще бы́вши: те́мже Тя́ пое́м, и превозно́сим Чи́стую во вся́ ве́ки.

Та́же, пое́м пе́снь Богоро́дицы: Вели́чит душа́ моя́ Го́спода:

Пе́снь 9

Ирмо́с: Я́ко сотвори́ Тебе́ вели́чия Си́льный, Де́ву я́вль Тя́ чи́сту по рождестве́, я́ко ро́ждшую без се́мене Своего́ Творца́: те́м Тя́ Богоро́дицу велича́ем.

Священноде́йственнии па́стырие проро́к святы́х ли́к, пра́ведных неизче́тное мно́жество: му́чеников собо́р, свяще́нными пе́сньми да ублажа́ются: моля́щеся спасти́ся душа́м на́шым.

Я́ко чу́дный по́стничествовав преподо́бных собо́р прему́дренно, чуде́с показа́ньми мно́гими ны́не удиви́ся: те́х мольба́ми, ди́вный Го́споди, удиви́ на все́х ми́лости Твоя́.

Со священному́ченики сконча́вшими тече́ние до́бре, же́н безчи́сленное мно́жество пострада́вшее и пости́вшееся, любо́вию да ублажа́ется ве́рно, со а́нгельскими ли́ки пребыва́ющее.

Сла́ва: Святы́х все́х мно́жество мо́лит Тя́ сло́ве: упоко́й мно́жества я́же в ве́ре от земли́ преста́вленыя, за мно́жество ми́лости, я́же соде́яная и́ми в житии́, презира́я согреше́ния.

Богоро́дичен: Умовре́дно грехи́ соде́ях мно́ги Де́во, муче́ния ожида́ю про́чее, от него́же мя́ изба́ви, несумне́нным се́рдцем к Тебе́ приходя́щаго, и Боже́ственный покро́в Тво́й призыва́юща.

И́н

Ирмо́с: Тя́ па́че ума́ и словесе́ Ма́терь Бо́жию, в ле́то Безле́тнаго неизрече́нно ро́ждшую, ве́рнии единому́дренно велича́ем.

Страда́ний свяще́нных му́ченицы, воздая́ния прие́мше, дарова́ти Тя́ ны́не мо́лят, ве́рою преста́вленым, Спа́се, ослабле́ние.

Умерщвле́ние претерпе́л еси́, Еди́не Спа́се Безсме́ртне, и́же воскресе́ние ме́ртвым подая́ я́ко благоутро́бен, и безсме́ртия све́тлость.

Сла́ва: Испра́вил еси́ на́с па́дших в сме́рть, и на живо́т ве́чный наде́ятися научи́л еси́, его́же улучи́ти Твои́м рабо́м, Спа́се, да́руй.

Богоро́дичен: Зако́на се́ни преидо́ша рождество́м Твои́м, и́стина возсия́, благода́ть дарова́ся Богоро́дице: те́мже Тя́ велича́ем.

Та́же, Досто́йно е́сть: И покло́н. Посе́м ектениа́, и свети́лен, и псалмы́ обы́чны.

На хвали́тех стихи́ры му́ченичны, гла́с 5:

Благослове́но во́инство Небе́снаго Царя́: а́ще бо и земноро́дни бе́ша Страстоте́рпцы, но А́нгельский са́н тща́хуся дости́гнути, о телесе́х неради́вше, и страсте́й ра́ди безпло́тных сподо́бишася че́сти. Те́мже моли́твами и́х, Го́споди, спаси́ ду́шы на́шя.

Страстоно́сцы Твои́, Го́споди, чино́м а́нгельским уподо́бльшеся, я́ко безпло́тнии, му́ки претерпе́ша, и единомы́сленно упова́ние иму́ще, обеща́нных бла́г наслажде́ние. Моли́твами и́х, Христе́ Бо́же, поми́луй на́с.

Святи́и му́ченицы, на земли́ подви́гшеся, мра́з претерпе́ша, и огню́ преда́шася, вода́ и́х прия́т. Те́х е́сть гла́с: проидо́хом сквозе́ о́гнь и во́ду, и изведе́ ны́ в поко́й. Те́х моли́твами, Бо́же, поми́луй на́с.

В му́ках су́ще святи́и, ра́дующеся вопия́ху: ку́пля на́м су́ть сия́ ко Влады́це. Вме́сто быва́ющих ра́н на телесе́х, све́тлое одея́ние в воскресе́ние процвете́т на́м, за безче́стие венцы́, за у́зы темни́чныя ра́й: и за е́же со злоде́и осужде́ние, е́же со а́нгелы житие́. Моли́твами и́х, Го́споди, спаси́ ду́шы на́шя.

Ты́ созда́вый мя́, Го́споди, и положи́ на мне́ ру́ку Твою́, и запове́дав ми́ ре́кл еси́: в зе́млю па́ки по́йдеши. Наста́ви мя́ на пра́вый пу́ть Тво́й, проща́я мне́ прегреше́ния, осла́би ми́, и спаси́ мя, молю́ся, я́ко Человеколю́бец.

Сла́ва, и ны́не, Богоро́дичен: Оле окая́нная душе́! Ки́й отве́т и́маши рещи́ Судии́ во о́н ча́с, егда́ престо́ли поста́вятся на Суде́, и Судия́ прии́дет от Небе́с, соше́д со тьма́ми а́нгельскими? Егда́ ся́дет на Суди́щи, прю́ сотвори́ти с рабы́ непотре́бными, подо́бными мне́, что́ отвеща́ти и́маши? Что́же принести́ тогда́? пои́стинне ничто́же, у́м и те́ло оскверни́вши Твое́. Те́мже припади́ к Де́ве, и зови́ непреста́нно, пода́ти тебе́ бога́тно грехо́в проще́ние.

На стихо́вне стихи́ры поко́йны, гла́с 5:

Подо́бен: Ра́дуйся:

Све́том лица́ Твоего́, Христе́, преста́вленыя я́ко ще́др просвети́. Всели́ я́ в ме́сто зла́чно, при вода́х Твоего́ чи́стаго и Боже́ственнаго поко́я, в жела́емых не́дрех Авраа́ма пра́отца, иде́же све́т Тво́й чи́сте сия́ет, и пролива́ются исто́чницы благосты́ни: иде́же лику́ют я́сно веселя́щеся пра́ведных все́х собо́ри о Твое́й бла́гости. С ни́миже учини́ рабы́ Твоя́, подая́ и́м ве́лию ми́лость.

Сти́х: Блаже́ни, я́же избра́л и прия́л еси́, Го́споди.

Пе́ти всесоста́вными гла́сы, славосло́вити же Твою́ держа́ву, благоволи́, Ще́дре, преста́вльшыяся от привре́менных к Тебе́ Влады́це все́х и Бо́гу на́шему, подая́ красото́ю Твое́ю освеща́тися, и сла́дкаго и кра́снаго прича́стия Твоего́, восприя́ти же и наслажда́тися чисте́йше: иде́же о́крест престо́ла Твоего́ лику́ют А́нгели, и святы́х ли́цы ра́достно обстоя́т. С ни́миже Твои́м рабо́м поко́й пода́ждь, и ве́лию ми́лость.

Сти́х: Ду́шы и́х во благи́х водворя́тся.

Иде́же проро́ков ли́к, апо́столов и му́чеников чи́нове, и вси́ и́же от ве́ка оправди́вшиися Твое́ю спаси́тельною стра́стию и кро́вию, е́юже искупи́л еси́ плене́наго челове́ка, та́мо ве́рою усо́пшыя упоко́й, я́ко Человеколю́бец, проща́яй согреше́ния: Еди́н бо безгре́шен на земли́ пожи́л еси́ свя́т вои́стинну, Еди́н во уме́рших свобо́дь. Те́мже Твои́м рабо́м поко́й пода́ждь, и ве́лию ми́лость.

Сла́ва, и ны́не, Богоро́дичен: Зако́ном грехо́вным на́с порабоще́нных свободи́ла еси́ Влады́чице, в ложесна́х Законода́вца и Царя́ Христа́ заче́нши, Еди́на Де́во Ма́ти, И́мже оправда́емся ту́не, и благода́тию: Его́же ны́не моли́, ду́шы ве́дущих Тя́, Богома́терь, написа́ти в кни́зе живо́тней, я́ко да хода́тайством Твои́м спа́сшеся, Всенепоро́чная, Сы́на Твоего́ любе́зное избавле́ние полу́чим, Тому́ покланя́ющеся, подаю́щему ми́рови ве́лию ми́лость.

В суббо́ту блаже́нны, гла́с 5:

Разбо́йник на кресте́ Бо́га Тя́ бы́ти ве́ровав, Христе́, испове́да Тя́ чи́сте от се́рдца, помяни́ мя, Го́споди, вопия́, во Ца́рствии Твое́м.

Сти́х: Блаже́ни изгна́ни пра́вды ра́ди, я́ко те́х е́сть Ца́рство Небе́сное.

Началозло́бнаго врага́, уме́рше му́ченицы, погуби́сте, и взыдо́сте к вы́шним, венча́вшеся Боже́ственными побе́дами, и Царю́ все́х Бо́гу предста́сте.

Сти́х: Блаже́ни есте́, егда́ поно́сят ва́м, и изжену́т, и реку́т вся́к зо́л глаго́л, на вы́ лжу́ще Мене́ ра́ди.

Свяще́нства све́том святи́телие просвеща́еми просла́вишася, и преподо́бных мно́жество присносу́щный получи́ша живо́т: те́мже ублажа́еми су́ть.

Сти́х: Ра́дуйтеся и весели́теся, я́ко мзда́ ва́ша мно́га на Небесе́х.

С ли́ки избра́нных на ме́сте, Влады́ко, ослабле́ния, и́хже преста́вил еси́, всели́ Сло́ве, презре́в Христе́, я́же на земли́ те́х согреше́ния.

Сла́ва: О Тро́ице честна́я! Святи́телей и му́ченик честны́х по́двиги умоле́на бу́ди: ве́рою уме́рших душа́м спасе́ние да́руй, и ве́лию ми́лость.

И ны́не: Я́же невмести́маго все́ми, богора́дованная вмести́ла еси́, и ро́ждши па́че естества́ и сло́ва, того́ ми́лостива бы́ти все́м, Влады́чице, умоли́.

Коне́ц пя́тому гла́су.

Гла1съ є7

Въ пzт0къ вeчера,

На ГDи воззвaхъ, стіхи6ры с™ы6мъ м§нкwмъ, и3 с™и1телємъ и3 прпdбнымъ, глaсъ є7:

Под0бенъ: Рaдуйсz:

Стjхъ: Ѓще беззакHніz нaзриши гDи, гDи, кто2 постои1тъ; ћкw ў тебE њчищeніе є4сть.

Плaмень нечeстіz лю1тагw стrтотeрпцы ўгаси1ша кровeй свои1хъ течeньми, бlгочeстіz свётлость въ ми1рэ всBмъ возжeгше м§нцы, б0ги же лжеимени6тыz, и3 тёхъ ѕловHніz, и3 хрaмы до концA попали1ша: свётъ возсіsша сyщымъ на земли2 чистёйшій, и4мже и3 просвэщaеми, тьмы2 и3збэгaемъ безб0жіz, и3 прeлести јдwльскіz ўклонsемсz, хrтY покланsющесz, подаю1щему мjрови вeлію млcть.

Стjхъ: И$мене рaди твоегw2 потерпёхъ тS гDи, потерпЁ душA моS въ сл0во твоE, ўповA душA моS на гDа.

СловесA є3рет‡къ ѕлочести1выхъ, и3 ловлє1ніz ўд0бь разруши1вше, nрyжницы nц7A безначaльнагw, сн7а собезначaльнагw, и3 с™aгw д¦а бhсте, въ тріeхъ ли1цэхъ є3ди1нству б9ествA, бlгочестномyдреннэ вёрныхъ научaюще и3 ўтверждaюще правослaвную пр0повэдь. тёмже и3 бlжи1ми є3стE, пaстыріе всесщ7eнніи: ћкw на пaжитехъ живон0сныхъ хrт0во стaдо ўпас0сте, за нег0же вс‰ болBзни и3 нап†сти многоwбр†зныz претерпёсте.

Стjхъ: T стрaжи ќтренніz до н0щи, t стрaжи ќтренніz да ўповaетъ ї}ль на гDа.

Стр†сти плwтскjz ўд0бь до концA попрA, подви1гшеесz прпdбныхъ сосл0віе, властели1на ўмA дэsніемъ добродётелей пріeмше: и4мже бэсHвскіz вс‰ кHзни побэди1ша д0блественнэ, и3 ѓгGлwмъ собесBдницы kви1шасz, ћкw безпл0тніи пожи1вше. и5мже и3 нhнэ срaдуютсz въ вhшнихъ nби1телехъ, свётлw живyще, и3 хrтY предстоsтъ, t негw2 просsще душaмъ нaшымъ даровaти вeлію млcть.

И$ны стіхи6ры м§нкwмъ, глaсъ т0йже:

Стjхъ: Ћкw ў гDа млcть, и3 мн0гое ў негw2 и3збавлeніе, и3 т0й и3збaвитъ ї}лz t всёхъ беззак0ній є3гw2.

Щит0мъ вёры њб0лкшесz, и3 знaменіемъ кrтнымъ себE ўкрёпльше, къ мyкамъ мyжески вдaшасz, и3 діaволю гордhню и3 лeсть ўпраздни1ша с™jи твои2, гDи, тёхъ мlтвами ћкw всеси1льный бGъ, мjру ми1ръ низпосли2, и3 душaмъ нaшымъ вeлію млcть.

Стjхъ: Хвали1те гDа вси2 kзhцы, похвали1те є3го2 вси2 лю1діе.

И# пaки глаг0ли: Щит0мъ вёры:

Стjхъ: Ћкw ўтверди1сz млcть є3гw2 на нaсъ, и3 и4стина гDнz пребывaетъ во вёкъ.

Њ земнhхъ всёхъ небрeгше, и3 на м{ки мyжески дерзнyвше, бlжeнныхъ надeждъ не погрэши1сте, но нбcному цrтвію наслBдницы бhсте, прехвaльніи м§нцы: и3мyще дерзновeніе къ чlвэколю1бцу бGу, мjру ми1ръ проси1те, и3 душaмъ нaшымъ вeлію млcть.

Слaва, и3 нhнэ, бGор0диченъ: Въ чермнёмъ м0ри, неискусобрaчныz невёсты w4бразъ написaсz и3ногдA. тaмw мwmсeй, раздэли1тель воды2 здё же гавріи1лъ, служи1тель чудесE. тогдA глубинY шeствова нем0креннw ї}ль: нhнэ же хrтA роди2 безсёменнw дв7а. м0ре по прошeствіи ї}левэ пребhсть непрох0дно: непор0чнаz по ржcтвЁ є3мманyилевэ пребhсть нетлённа. сhй, и3 прeжде сhй, kвлeйсz ћкw чlвёкъ, б9е поми1луй нaсъ.

Тaже, Свёте ти1хій: Прокjменъ днE. Посeмъ: Спод0би гDи въ вeчеръ сeй:

На стіх0внэ стіхи6ры, глaсъ є7:

Моли1те за ны2 с™jи м§нцы, да и3збaвимсz t беззак0ній нaшихъ: вaмъ бо данA бhсть бlгодaть моли1тисz њ нaсъ.

Несhтною люб0вію души2, хrтA не tверг0стесz с™jи м§нцы: лю6тыz и3 разли6чныz р†ны страстeй претерпёсте, мучи1телей гордhню низложи1сте: непрекл0нну и3 невреди1му вёру сохрaньше, на нб7сA престaвистесz. тёмже и3 дерзновeніе и3мyще къ немY, проси1те даровaти нaмъ вeлію млcть.

Мeртвенъ: Помzнyхъ прbр0къ вопію1ща: ѓзъ є4смь землS и3 пeпелъ, и3 пaки разсмотри1хъ во гробёхъ, и3 ви1дэхъ кHсти њбнажє1нныz, и3 рёхъ ќбw: кто2 є4сть цaрь, и3ли2 в0инъ, и3ли2 богaтъ, и3ли2 ни1щъ, и3ли2 прaведникъ, и3ли2 грёшникъ; но ўпок0й гDи съ прaведными рабы6 тво‰, ћкw чlвэколю1бецъ.

Слaва, и3 нhнэ, бGор0диченъ: Њбрaдованнаz, ходaтайствуй твои1ми мlтвами, и3 и3спроси2 душaмъ нaшымъ мн0жество щедр0тъ, и3 њчищeніе мн0гихъ прегрэшeній м0лимсz.

Тaже, Нhнэ tпущaеши: Трис™0е. По Џ§е нaшъ: И# tпyстъ.

Въ пzт0къ на повечeріи,

канHнъ молeбный прес™ёй бцdэ. Глaсъ є7:

Пёснь №

Їрм0съ: КонS и3 всaдника въ м0ре чермн0е, сокрушazй бр†ни, мhшцею выс0кою, хrт0съ и3стрzсE: ї}лz же сп7сE, побёдную пёснь пою1ща.

Вси1 тz человёчестіи р0ди хвaлzтъ, ћкw дрeвле дв7о, прbр0­чески прореклA є3си2: и3 менE u5бо пріими2 пою1ща тS вLчце, и3 просвэти2, и3 вразуми2.

Притупи1ла є3си2 смeрти жaло, и3 мірскjй грёхъ дв7о, и4стинную р0ждши жи1знь, є3sже рaди вLчце, притупи2 страстeй мои1хъ џстрыz стрёлы вск0рэ.

Слaва: Е#ди1на и3спещрeна дв7и1ческими рsснами t вёка ћвльшисz, смок0вную ри1зу ґдaмову ты2 раст0ргнула є3си2: тёмже мS нhнэ њблецы2 цэломyдріz nдeждею мlтвами твои1ми.

И# нhнэ: Богaтство и3 б9eственную слaву стzжaша u5бо мнHги дщє1ри прeжде ћвэ, но без8 сравнeніz вLчце, ты2 всёхъ превозшлA є3си2. тёмже мS нhнэ њбогати2 нбcными и3 б9eственными бlгодaтьми.

Пёснь G

Їрм0съ: Водрузи1вый на ничес0мже зeмлю повелёніемъ твои1мъ, и3 повёсивый неwдержи1мw тzготёющую, на недви1жимэмъ хrтE, кaмени зaповэдей твои1хъ, цRковь твою2, ўтверди2, є3ди1не бlже и3 чlвэколю1бче.

ГлубинA и3 высотA въ тебЁ познавaшесz дв7о пречcтаz, б9іей мyдрости непостижи1мэй, t твои1хъ ложeснъ р0ждшейсz: є4юже глубины2 сeрдце моE и3збaви мудровaній ѕміи1ныхъ.

И$же прeжде перн†тыz, и3 гaды, t воды2 состaвилъ є3си2 сл0вомъ, не сyщыz прeжде: ты2 ѓбіе хrтE t кр0ве чcтыz дв7ы, б9eственнагw твоегw2 воплощeніz nдeжду стрaнну ўстр0илъ є3си2.

Слaва: Ты2 є3ди1на њчищeніе kви1ласz є3си2 є3стествY, пречcтаz, въ ню1же џгнь б9eственный неwпaльнw всeльсz, сіE њчи1сти ћвэ: ты2 ќбw согрэшeній и3 страстeй мои1хъ сквeрну њчи1­сти, и3 твои1ми мlтвами просвэти1 мz.

И# нhнэ: Чaшу н0вагw віногрaда р0ждіz, напоsющую ћвэ вBрныz во њставлeніе согрэшeній, тS пречcтаz вёдый, молю2: и3спущeніемъ б9eственныz воды2 нап0й сeрдце моE.

Пёснь д7

Їрм0съ: Б9eственное твоE разумёвъ и3стощaніе, прозорли1вw ґввакyмъ, хrтE, со трeпетомъ вопіsше тебЁ: во сп7сeніе людeй твои1хъ, сп7сти2 пом†занныz тво‰ пришeлъ є3си2.

Неwрaна ты2 kви1ласz є3си2 браздA, несёzнный б9eственный прозsбшаz клaсъ, и4мже ѓлчуща мS накорми2 б9eственными даровaньми же и3 бlгодaтьми.

Болsща мS и4скреннw смeртнэ, и3 душeвныхъ страстeй nгнeмъ содержи1ма вLчце, мlтвъ твои1хъ вод0ю напои1вши, вск0рэ возстaви.

Слaва: Ћкw сyщій б9ій грaдъ њдушевлeнъ, є3г0же рёки мhслєнныz веселsтъ стремлє1ніz, мlтвъ твои1хъ столп0мъ души2 моеS хрaмину ўтверди2.

И# нhнэ: Џблакъ тS вёдый, њдожди1вшій прaвду и4стинную, молю2 пречcтаz вLчце, t всёхъ њби1дzщихъ мS и3збaвити рабA твоего2 вск0рэ.

Пёснь є7

Їрм0съ: Њдэsйсz свётомъ ћкw ри1зою, къ тебЁ ќтренюю, и3 тебЁ зовY: дyшу мою2 просвэти2 њмрачeнную хrтE, ћкw є3ди1нъ бlго­утр0бенъ.

Возмущeніе и3 в0лну грэхA, и3 страстeй мои1хъ дв7о вLчце, до концA ўтиши2, безстрaстіz р0ждши вин0внаго.

Постaвъ сhй свhше хrт0въ kви1сz, бlголёпіz nдeжды б9eственныz, добродётелей nдeждею чcтаz, њбнажeнную дyшу мою2 њблецы2.

Слaва: Њчищeніе ми2 дaруй согрэшeній, твои1ми мольбaми чcтаz дв7о, ћже њчищeніе б9eственное р0ждшаz нaмъ хrтA и3 гDа.

И# нhнэ: Стрyпы, ћзвы и3 гноє1ніz грэхHвнаz, рукодBйствіz, мlтвами потреби1 ми дв7о, и3 си1лу рабY твоемY подaждь.

Пёснь ѕ7

Їрм0съ: Неи1стовствующеесz бyрею душетлённою, вLко хrтE, страстeй м0ре ўкроти2, и3 t тли2 возведи2 мS, ћкw бlгоутр0бенъ.

Ћже свётъ р0ждшаz свэти1ламъ твори1тельный, дyшу мою2 нhнэ просвэти2, и3 и3збaви t страстeй њмрачeніz, всесвётлаz.

Мeрры ўслади1вшаго в0ды прeжде бцdе, твоего2 сн7а моли2, и3збaвити мS стрaсти лю1тыz, и3 г0рести вск0рэ.

Слaва: Возмущaетъ пот0къ страстeй дyшу мою2, пречcтаz: но сего2 и3зсуши2мlтвами твои1ми, и3 п0мыслы лук†выz потреби2.

И# нhнэ: Хrт0съ и3збавлsz человёки пріи1де t сіHна, и3з8 чрeва твоегw2 вLчце пренепор0чнаz: и4мже и3 менE t напaстей и3збaви и3 скорбeй.

Тaже, ГDи поми1луй, три1жды. Слaва, и3 нhнэ:

Сэдaленъ, глaсъ є7:

Вскyю ўнывaющи душE стрaстнаz, забhла є3си2 бGа твоего2 ми1лующаго тS; и3 повелBніz є3гw2 преwби1дэвши, въ блудЁ житіE скончавaеши ўмоврeднw: tступи2 t ѕл0бы, бцdэ вопію1щи: tчazнную дyшу мою2 поми1луй.

Пёснь з7

Їрм0съ: Превозноси1мый nтцє1въ гDь плaмень ўгаси2, џтроки њроси2, соглaснw пою1щыz: б9е, бlгословeнъ є3си2.

Ўжасaютсz и3 трепeщутъ твоегw2 призывaніz пречcтаz, бэс0встіи полцы2: t ни1хже и3збавлsющи мS сп7си2, и3 соблюди2, покрывaющи t всsкагw врeда.

Неизглаг0ланнаz слaва твоS дв7о, слaвы бо гDа родилA є3си2: тёмже мS спод0би слaвы сн7а твоегw2 и3 бGа моегw2, твои1ми мlтвами.

Слaва: Преклони1сz къ мольбaмъ твоегw2 рабA вLчце, и3 и3збaви мS вск0рэ бёдъ и3 скорбeй, и3 всsкихъ и3скушeній, ви1димыхъ и3 неви1димыхъ.

И# нhнэ: Всего2 мS страстьми2 студA пречcтаz, њкалsвшасz и3 њскверни1вшасz, чистот0ю њмhй, и3 ўzсни2 дв7о, мlтвами твои1хъ њкроплeній.

Пёснь }

Їрм0съ: ТебЁ вседётелю въ пещи2 џтроцы, всемjрный ли1къ сплeтше, поsху: дэлA вс‰каz гDа п0йте, и3 превозноси1те во вс‰ вёки.

ВодA непл0дствіz стрaстна, души2 моеS ложеснA непл0дна сотвори2, и3 и3зсуши2: њдожди1 ми лeгкій џблаче, б9eственную р0су, ћкw да возращY плоды2 покаsніz.

В0лну помышлeній стрaстныхъ и3 бyрю ўтиши2 пречcтаz, твои1ми мlтвами: напрaви же мS къ течeнію безстрaстіz, да тS слaвлю тeплэ во вёки вс‰.

Слaва: Двeре мhсленнаz, и3 затворє1наz вратA, и4миже є3ди1нъ пр0йде бGъ, двє1ри загради2 и3 заключи2 страстeй мои1хъ, и3 ўповaніz tвeрзи ми2 вратA.

И# нhнэ: Возми2 t менE прегрэшeній брeмz, м™и дв7о, ћже є3ди1на взeмлющаго мjра всегw2 вeсь грёхъ, р0ждшаz нескaзаннw ѓгнца б9іz и3 сл0ва.

Пёснь f7

Їрм0съ: И#сaіе ликyй, дв7а и3мЁ во чрeвэ, и3 роди2 сн7а є3мманyила, бGа же и3 человёка, вост0къ и4мz є3мY: є3г0же величaюще, дв7у ўбlжaемъ.

Њскверни1въ ћкw человёкъ дyшу мою2 прегрэшeньми мн0­гими, и3 страстьми2 плотски1ми њкалsвсz, тS молю2 нhнэ прилёжнw, и3 ми1лъ сS дёю: њчи1сти мS чcтаz, твои1ми мlтвами t всsкіz ѕл0бы.

Воли1телz млcти родилA є3си2, щедр0тъ чlвэколю1бца бGа, є3ди1наго бlгaго, долготерпэли1ваго и3 бlгоутр0бнаго: є3г0же бlгопремённа покажи1 ми чcтаz, твои1ми мольбaми, и3 согрэшeній разрэшeніе подaждь.

Слaва: Дремaніемъ њдержи1ма ўнhніz, и3 сластьми2 спsща мS нhнэ, вLчце, рабA твоего2 воздви1гни къ добродётелемъ дэsній бlги1хъ, неусhпными твои1ми мaтерними мlтвами.

И# нhнэ: БlгословS бlгословлю1 тz пречcтаz, и3 величaю тeплэ: бlгослови1 мz ќбw твоего2 пэвцA, и3 всsческихъ нyждныхъ и3 печaльныхъ и3збaви, и3 сохрани2 твои1ма длaньма непобэди1ма.

Тaже, Дост0йно є4сть: Покл0нъ. И# Трис™0е. По Џ§е нaшъ: тропари2 и3 пр0чее nбhчно, и3 tпyстъ.

Въ суббw1ту ќтра,

по №-мъ стіхосл0віи сэдaльны м§нчны, глaсъ є7:

Сіsетъ днeсь пaмzть стrтотeрпєцъ, и4мать бо и3 t нб7съ зарю2: ли1къ ѓгGльскій торжествyетъ, и3 р0дъ человёческій спрaзднуетъ. тёмже м0лzтсz гDеви, поми1ловатисz душaмъ нaшымъ.

Стjхъ: Ди1венъ бGъ во с™hхъ свои1хъ, бGъ ї}левъ.

ЧудесA с™hхъ твои1хъ м§нкъ стёну неразори1му нaмъ даровaлъ є3си2, хrтE б9е: тёхъ моли1твами вBрныz лю1ди тво‰ ўтверди2, ћкw є3ди1нъ бlгъ и3 человэколю1бецъ.

Слaва, и3 нhнэ, бGор0диченъ: Рaдуйсz, двeре гDнz непроходи1маz, рaдуйсz, стэно2 и3 покр0ве притекaющихъ къ тебЁ, рaдуйсz, неwбуревaемое пристaнище, и3 неискусобрaчнаz, р0ждшаz пл0тію творцA твоего2 и3 бGа: молsщи не њскудэвaй њ воспэвaющихъ, и3 клaнzющихсz ржcтвY твоемY.

По в7-мъ стіхосл0віи сэдaльны, м§нчны, глaсъ є7:

ГDи, чaшэ страстeй твои1хъ стrтотeрпцы твои2 поревновaвше, њстaвиша житeйскую красотY, и3 бhша ѓгGлwмъ соприч†стницы: тёхъ мольбaми подaждь душaмъ нaшымъ ми1ръ хrтE б9е, и3 вeлію млcть.

Стjхъ: Ди1венъ бGъ во с™hхъ свои1хъ, бGъ ї}левъ.

С™hхъ м§нкъ и3справлeніємъ нбcныz си6лы преудиви1шасz, кaкw въ тёлэ мeртвеннэмъ подви1гшесz д0брэ, безпл0тнаго врагA си1лою кrтною побэди1ша неви1димw: и3м0лzтсz гDеви, поми1ловатисz душaмъ нaшымъ.

Стjхъ: Бlжeни, ±же и3збрaлъ и3 пріsлъ є3си2 гDи, и3 пaмzть и4хъ въ р0дъ и3 р0дъ.

Тaже сэдaленъ, пок0инъ:

Пок0й сп7се нaшъ съ прaведными рабы6 тво‰, и3 тёхъ всели2 во дворы2 тво‰, ћкоже пи1сано є4сть, презирaz вс‰ согрэшє1ніz и4хъ, ћкw бlгъ, вHльнаz и3 невHльнаz, и3 вс‰ ±же въ вёдэніи и3 не въ вёдэніи, чlвэколю1бче.

Слaва, и3 нhнэ, бGор0диченъ: T дв7ы возсіsвый мjру хrтE б9е, сhны свёта т0ю показaвый, поми1луй нaсъ.

КанHнъ с™ы6мъ м§нкwмъ,и3 с™и1телємъ, и3 прпdбнымъ, и3 ўс0пшымъ. Творeніе їHсифово, [є3г0же краестр0чіе: Твои6мъ хrтE, рабHмъ сі‰ пBсни приношY.] Глaсъ є7:

Пёснь №

Їрм0съ: Зeмлю, на ню1же не возсіS, ни ви1дэ с0лнце когдA: бeздну, ю4же не ви1дэ нaгу широтA нбcнаz, ї}ль пр0йде невлaжнw гDи, и3 ввeлъ є3си2 є3го2 въ г0ру с™hни твоеS, хвaлzща и3 пою1ща побёдную пёснь.

М§нченъ: ТэлесA предаю1ще некрHткимъ судіsмъ, претерпёсте нестерпи6мыz р†ны д0бліи страдaльцы, чaюще пріsти п0чєсти свhше: и3 введE вaсъ хrт0съ въ вBчныz nби1тєли, рaдующихсz и3 пою1щихъ побёдную пёснь,

С™и1телємъ: Прпdбніи и3 прaведніи, и3 с™и1теліе, бlгослaвніи соверши1вше повелBніz б9іz, ўпас0ша лю1ди, и3 д0брэ настaвиша къ водЁ рaзума: и3 пот0ки слaдости дост0йнw воспріsша, и3сточaюще бlгодaтію и3сцэлeній рёки.

Напрaви мS гDи, къ пристaнищємъ животA, мlтвами прbрHкъ преслaвныхъ, премyдрыхъ первос™и1телей, и3 сщ7eнныхъ жeнъ пострадaвшихъ крёпкw, и3 пост0мъ врагA попрaвшихъ, мyжескимъ ўм0мъ, б9eственною тебE бlгодaтію ћвльшагwсz на земли2.

Слaва, пок0инъ: ТебE м0лимъ бlгопремённаго бGа: ўпок0й въ нёдрэхъ ґвраaмовыхъ рабы6 тво‰ хrтE, ±же къ тебЁ престaвилъ є3си2 t житeйскагw мzтeжа, и3 спод0би и4хъ свёта вёчнагw, тёхъ согрэшє1ніz презирaz ћкw бlгъ.

И# нhнэ: Рaдуйсz, тебЁ зовeмъ, р0ждшей рaдость всепётаz: просвэти2 нaшz ўмы2 и3 дyшы, и3 къ стезsмъ рaзума всёхъ напрaви, и3 прегрэшeній всBмъ њчищeніе дaти моли2 є3ди1на бGоневёсто, сн7а твоего2 и3 бGа.

И$нъ канHнъ ўс0пшымъ, поeмый на рzдY, и3дёже нёсть минeи, [є3г0же краегранeсіе: Fеофaновъ пsтый над8 мeртвыми канHнъ.]

Глaсъ є7:

Пёснь №

Їрм0съ: Сп7си1телю бGу, въ м0ри лю1ди нем0крыми ногaми настaвльшему, и3 фараHна со всев0инствомъ пот0пльшему, томY є3ди1ному пои1мъ, ћкw прослaвисz.

Припёвъ: Ди1венъ бGъ во с™hхъ свои1хъ, бGъ ї}левъ.

Б9eственною люб0вію стrтотeрпцы хrтHвы мучи1телей гордhню попрaша: престaвлєннымъ же вёрою млcтивное пр0сzтъ њставлeніе и3 пок0й.

Припёвъ: Ўпок0й гDи дyшы р†бъ твои1хъ.

Во с™hхъ селeніихъ, во дв0рэхъ твои1хъ хrтE, престaвлєнныz всели2! и4же д0лгъ за ни1хъ проліsвый кр0вь твою2 вLко, пречcтнёйшую.

Слaва: Премyдрость б9іz, и4же и3звёстно начертaніе всE носsй роди1телево: и5хже пріsтъ щeдре, сaмъ ўпок0й, подавaz и5мъ присносyщное бlжeнство.

И# нhнэ: Свэтон0снаz сёнь, златови1дный ковчeгъ, б9eственное сл0во њбдержaщи воплощeнное нaсъ рaди, и3 разори1вшее смeртную си1лу, kви1ласz є3си2 всенепор0чнаz.

Пёснь G

Їрм0съ: Дви1жимое сeрдце моE гDи, волнaми житeйскими, ўтверди2, въ пристaнище ти1хое наставлsz ћкw бGъ.

Пaлицами біeмо не пощадёсте тёло, и3 мечи2 сэк0мо всехвaльніи nрyжницы, ўкрэплsеми надeждею м§нцы вёчныхъ крас0тъ.

С™и1тельства nдeжду просвэти1сте, ви1ды добродётельными ўпaсше хrт0во стaдо на пaжитехъ жив0тныхъ.

Пл0ть ўмерщвлsюще воздержaніемъ прпdбніи, жи1зни б9eственнэй причасти1шасz: тёхъ хrтE сщ7eнными мlтвами t бёдъ и3збaви нaсъ.

Слaва: Ўс0пшымъ тaмошній пок0й чlвэколю1бче подaждь, ±же содёzша на земли2, д0лги tпущaz ћкw бlгъ.

И# нhнэ: Бlгословeнную въ женaхъ тS ћкw ви1дэ, сосл0віе жeнское пострадA, и3 твоемY сн7у, дв7о м™и, приведeсz.

И$нъ.

Їрм0съ: Ўтверди2 ны2 б9е сп7се, твоeю си1лою, и3 воздви1гни р0гъ твоеS цRкве, правовёрнw хвaлzщихъ тS.

Мyжески подви1гшесz страдaльцы, мучи1тельскимъ стремлeніємъ проти1ву стaша, и3м0лzтсz њ ўс0пшихъ хrтY.

Зак0ны твои1ми воспитaвшихсz, престaвльшихсz пре­бlгjй, въ свётлыхъ твои1хъ селeніихъ пріeмь, ўпок0й.

Слaва: Млcтивый є3ди1не б9е, ±же и3збрaлъ є3си2, спод0би с™hхъ свётлостей, презирaz тёхъ согрэшє1ніz.

И# нhнэ: Поeмъ твоE ржcтво2 чcтаz, и4мже пeрвагw њсуждeніz и3 клsтвы и3збaвихомсz, и3 t смeрти свободи1хомсz.

Пёснь д7

Їрм0съ: Ўслhшахъ гDи слyхъ тв0й, и3 ўбоsхсz, разумёхъ смотрeніе твоE, и3 прослaвихъ тS є3ди1не чlвэколю1бче.

Си1лою твоeю гDи, стrтотeрпцы врaжію си1лу попрaша, и3 крёпость бhша вBрнымъ, и3 вели1кое ўтверждeніе.

Прпdбніи вси2 рaдостію рaдуютсz, и3 њдэвaютсz сщ7eнницы б9eственніи въ прaвду, ћкоже въ ри1зу.

Воспои1мъ вси2 бGоглагHливыz б9іz прbр0ки, и3 почти1мъ жeнъ сосл0віе, ±же д0брэ течeніе скончaвшыz.

Слaва: Къ пристaнищу твоегw2 цrтвіz вLко, ўстреми1въ, ўпок0й, и5хже престaвилъ є3си2 t мzтeжа и3 бyри настоsщагw житіS.

И# нhнэ: Безлётный бhсть нhнэ под8 лётомъ и3з8 тебE дв7о: того2 моли2 разруши1ти вс‰ души2 моеS лBтнаz прегрэшє1ніz.

И$нъ.

Їрм0съ: Ўслhшахъ гDи, и3з8 гр0ба твоE востaніе, и3 прослaвихъ твою2 непобэди1мую си1лу.

Соприсносyщна тS nц7Y и3сповёдавше бlгочeстнw м§нцы хrтE, ўбіeни бhша, и3 вопію1тъ ти2: и3збaви и5хже пріsлъ є3си2 рабы6 тво‰.

И$же въ мертвецёхъ бhвый є3ди1нъ своб0дь мертвeцъ хrтE, и3 мертвецє1мъ жи1знь вёчную дaруz, пок0й дaждь нhнэ престaвлєнымъ рабHмъ твои6мъ.

Слaва: Пришeдый во є4же сп7сти2 заблyждшыz хrтE, рaйскагw спод0би вселeніz, ±же престaвилъ є3си2 въ вёрэ, њправдaвый бlгодaтію.

И# нhнэ: Њсэни1 тz вhшнzгw nтрокови1це си1ла, въ тебЁ рaй содёла жив0тный, дрeво и3мyщій посредЁ, ходaтаz и3 гDа.

Пёснь є7

Їрм0съ: Nкаsнную дyшу мою2, нощеборю1щуюсz со тьм0ю страстeй, предвари1въ ўщeдри, и3 возсіsй мhсленное сlнце днесвётлыz ѕвэзды2 во мнЁ, во є4же раздэли1ти н0щь t свёта.

И#сцэлeніе недyгующымъ и3сточaютъ кHсти м§нкъ: не сокруши1вшесz бо ѕл0бою, и3 н†ша њбновлsютъ сокрушє1ніz: вс‰ же кHсти ѕлочeстіz ћкw прaхъ и3стни1ша.

Зак0ны тво‰ соблюдaюще с™и1теліе ўпас0ша лю1ди, и3 настaвиша щeдре, къ животY бyдущему: прпdбніи же ўмертви1ша страстeй мучи1тельство совершeннымъ ўм0мъ.

Да почтyтсz прbр0цы, и3 съ ни1ми вси2 прaвєдницы вёрою, и3 да похвaлzтсz прпdбнw пожи1вшіи, и3 мyками просвэти1вшіисz на земли2 б9eствєнныz жєны2, ћкw рабы6 хrтHвы.

Слaва, пок0инъ: Я%же t земли2 пріsтъ, въ нбcныхъ ўчини2 селeніихъ вBрныz рабы6 тво‰, тёхъ презирaz прегрэшє1ніz, за премн0гую бlгость хrтE, воплощeйсz нaсъ рaди земнhхъ.

И# нhнэ, бGор0диченъ: Поeмъ тS дв7о, є3sже рaди kви1сz бGъ сyщымъ на земли2, человёкъ бhвъ, вопію1ще: рaдуйсz, землE бlгоплодови1таz, плодоносsщаz клaсъ тaйны, питaющъ всsкое дыхaніе.

И$нъ.

Їрм0съ: Ќтренююще вопіeмъ ти2 гDи, сп7си1 ны, тh бо є3си2 бGъ нaшъ, рaзвэ бо тебE и3н0гw не знaемъ.

М§нкъ пріeмъ гDи, молє1ніz, дyшы, ±же престaвилъ є3си2, со и3збрaнными ти2 причти2.

Предрeклъ є3си2, не ўзрёти смeрти вёрующымъ въ тS: тёмже вLко ўс0пшыz ўпок0й.

Слaва: Красоты2 д0му твоегw2 гDи, тво‰ рабы6 ўлучи1ти спод0би, и3 слaдкагw причaстіz.

И# нhнэ: Сл0во, є4же nц7Y соприсносyщное, t дв7ы во­пл0щьсz, ўмертви2 смeртію смeрть.

Пёснь ѕ7

Їрм0съ: Ћкоже прbр0ка t ѕвёрz и3збaвилъ є3си2 гDи, и3 менE и3з8 глубины2 несодержи1мыхъ страстeй возведи2, молю1сz: да приложY призрёти ми2 къ хрaму с™0му твоемY.

ТэлесA предaвше на р†ны б9eственніи м§нцы, мучи1телей рукaмъ, веселsхусz душeю: б9eственное бо зрsху вои1стинну, присносyщное рaдованіе и3 б9eствєннаz возда‰ніz.

Слaва премyдрымъ с™и1телємъ и3 прпdбнымъ ты2 є3си2 хrтE: мlтвами и4хъ тво‰ лю1ди ўщeдри, и5хже своeю кр0вію стzжaлъ є3си2, ћкw чlвэколю1бецъ.

T тебE гDи, просвэщaющесz ўм0мъ прbр0цы, проzвлsютъ ћснw д†льнzz ћкоже бли1зъ: жєнh же си1лою твоeю держaву врaжію разруши1ша, страдaніемъ и3 пост0мъ.

Слaва: Престaвлєныz t нaсъ вBрныz рабы6 тво‰, ликHмъ и3збрaнныхъ сопричтaвъ бlже, ўпок0й гDи, вс‰ тёхъ согрэшє1ніz презирaz за млcрдіе.

БGор0диченъ: Создaвый въ начaтцэ є4vу гDи, дв7ы въ ложеснA вшeдъ, нaше содёловаеши њбновлeніе въ рaбій w4бразъ њб0лксz, и4же вLка всsческихъ.

И$нъ.

Їрм0съ: Њбhде мS бeздна, гр0бъ мнЁ ки1тъ бhсть: ѓзъ же возопи1хъ къ тебЁ чlвэколю1бцу, и3 сп7сe мz десни1ца твоS гDи.

В0инство м§нкъ твои1хъ, вы6шнимъ си1ламъ под0бzщесz, хrтE, м0лzтъ тS, подaждь чlвэколю1бче, престaвлєнымъ є4же t тебE наслаждeніе.

Въ мёстэхъ прохлаждeніz, въ мёстэхъ с™hхъ свётлости, въ мёстэхъ њслаблeніz хrтE, ћкw чlвэколю1бецъ, и5хже пріsлъ є3си2, ўчини2 рабы6 тво‰.

Слaва: Њчи1сти рабы6 тво‰, и3 тBмъ согрэшeній прощeніе подaждь чlвэколю1бче, и3 жи1зни спод0би нетлённэй, и3 бlжeнному наслёдію.

БGор0диченъ: Зачaтіz безсёменнагw твоегw2, кто2 сл0вомъ и3зрещи2м0жетъ чудесE, всенепор0чнаz: бGа во родилA є3си2, за млcрдіе къ нaмъ пришeдша.

Пёснь з7

Їрм0съ: NгнS гаси1лище nтрокHвъ мlтва, њрошaющаz пeщь, проповёдница чудесE, не њпалsющи, нижE сожигaющи пэсносл0вцы бGа nтє1цъ нaшихъ.

Вы2 разжизaеми лю1тыхъ мучeній nгнeмъ, люблeніе теплёйшее м§нцы слaвніи показaсте ко гDу, прохлаждaюще вaсъ п0мысломъ бlгочести1вымъ.

Премyдростію д¦а ўкраси1вшесz премyдріи, и3 свётлw пожи1сте, сщ7еннодёйствующе бlгодaти є3ђліа, и3 ћкw б9іz служи1тели похвалsемъ вaсъ.

Вы2 ўмертви1вше пл0ть болёзньми мн0гими, жи1зни спод0бистесz бyдущіz прпdбніи, молsщесz сію2 получи1ти нaмъ ўмерщвлє1нымъ страстeй приложeньми.

Бlжeнный ли1къ б9іихъ прbрHкъ, и3 жeнъ соб0ръ, подви1гшыzсz пост0мъ, и3 страдaніемъ низложи1вшыz врагA, да похвaлzтсz вёрнw.

Слaва: Мє1ртвымъ пріwбщи1всz всёхъ жи1знь сл0ве, нhнэ њстaвльшихъ житіS мzтeжъ, ко пристaнищу твоемY б9eственному ўпрaви, согрэшє1ніz и4хъ презирaz бlже.

И# нhнэ: И%же бцdу тS мyдрствующіи рaзумомъ прaвымъ, nгнS вёчнагw и3 тьмы2 да и3збaвимсz ходaтайствомъ твои1мъ вLчце, и3 неви1димыхъ вр†гъ борю1щихъ нaсъ.

И$нъ.

Їрм0съ: Въ пещи2 џгненнэй пэсносл0вцы сп7сhй џтроки, бlгословeнъ бGъ nтє1цъ нaшихъ.

Нhнэ непристyпнагw свёта насhтитисz, подaждь сп7се, престaвлєнымъ, мольбaми стrтотeрпєцъ твои1хъ.

Въ цRкви пeрвенєцъ хrтE, въ вёрэ скончaвшихсz, щeдре, сопричти2.

Слaва: Ўкрaшены nдeждами нетлёніz тво‰ рабы6, престaвлєныz къ тебЁ сп7се, ўпок0й.

И# нhнэ: Т0къ смeртнагw существA tсэклA є3си2 пречcтаz, жи1знь без8 сёмене зачeнши, всенепор0чнаz.

Пёснь }

Їрм0съ: ЃгGлwвъ с0нмъ, человёкwвъ соб0ръ, цRS и3 зижди1телz всёхъ, сщ7eнницы п0йте, бlгослови1те леvjти, лю1діе превозноси1те во вс‰ вёки.

Преплhвше мучeній пучи1ну њкормлeніемъ сл0ва, страдaльцы кровeй течeніемъ погрузи1сте вс‰ полки2 льсти1вагw, и3 живетE во вёки.

Премyдріи бhвше сщ7еннодёлателіе, сщ7eннw на водЁ правослaвіz вaмъ ввёренное стaдо препитaсте: вои1стинну слaдости крaсныхъ пот0кwвъ наслаждaетесz во вёки.

Свэти6ла прпdбніи вBрнымъ kви1стесz, ћкw соверши1вше дэлA свёта, и3 къ б9eственнэй свётлости престaвистесz: тьмы2 нaсъ свободи1ти моли1тесz вLцэ.

Весели1сz сосл0віе жeнское, п0честей и3сполнeніе всsкихъ пріeмшее рaнами, и3 ли1къ рaдуйсz прbр0ческій, и3 прaведныхъ, ўгоди1вшихъ хrтY во вёки.

Слaва: Nрyжіе њбращaющеесz нhнэ, дaждь вLко невозбрaннw проити2, престaвлєнымъ t житіS рабHмъ твои6мъ: внyтрь раS тёхъ вселsz, ћкw є3ди1нъ млcтивъ.

БGор0диченъ: Ћкw вратA ввод‰щаz къ б9eственному вх0ду, ћкw добровосх0дную лёствицу б9ію, ћкw спасaющымсz незаблyдную настaвницу, њбрaдованную воспои1мъ дв7у мRjю.

И$нъ.

Їрм0съ: И#з8 nц7A прeжде вBкъ рождeннаго сн7а и3 бGа, и3 въ послBднzz лBта воплощeннаго t дв7ы м™ре, сщ7eнницы п0йте, лю1діе превозноси1те во вс‰ вёки.

И$же с™hхъ м§нкъ п0двиги пріeмый, и3 тёхъ рaди ўпокоszй въ вёрэ твоeй ўс0пшыz, тебE сп7се поeмъ, и3 превозн0симъ во вс‰ вёки.

Премjрныz твоеS слaвы сіsніемъ њзарsтисz, ±же t нaсъ престaвлєныz спод0би, ћкw бlгоутр0бенъ, тебE сп7се пою1­щыz, и3 превозносsщыz во вс‰ вёки.

Слaва: Съ ли1ки с™hхъ, и5хже престaвилъ є3си2, ўчини2, и3 ґвраaму, въ нёдрэхъ съ лaзаремъ причти2 тебE сп7се пою1щихъ, и3 превозносsщихъ во вс‰ вёки.

БGор0диченъ: Ўкрaшена добр0тою чистоты2, дв7о м™и, добротв0рнагw бlголёпіz жили1ще бhвши: тёмже тS поeмъ, и3 превозн0симъ чcтую во вс‰ вёки.

Тaже, поeмъ пёснь бцdы: Вели1читъ душA моS гDа:

Пёснь f7

Їрм0съ: Ћкw сотвори2 тебЁ вели6чіz си1льный, дв7у ћвль тS чи1сту по ржcтвЁ, ћкw р0ждшую без8 сёмене своего2 творцA: тёмъ тS бцdу величaемъ.

Сщ7еннодёйственніи пaстыріе прbрHкъ с™hхъ ли1къ, прaведныхъ неизчeтное мн0жество: м§нкwвъ соб0ръ, сщ7eнными пёсньми да ўбlжaютсz: молsщесz сп7сти1сz душaмъ нaшымъ.

Ћкw чyдный п0стничествовавъ прпdбныхъ соб0ръ премyдреннw, чудeсъ показaньми мн0гими нhнэ ўдиви1сz: тёхъ мольбaми ди1вный гDи, ўдиви2 на всёхъ млcти тво‰.

Со сщ7енном§нки скончaвшими течeніе д0брэ, жeнъ безчи1сленное мн0жество пострадaвшее и3 пости1вшеесz, люб0вію да ўбlжaетсz вёрнw, со ѓгGльскими ли1ки пребывaющее.

Слaва: С™hхъ всёхъ мн0жество м0литъ тS сл0ве: ўпок0й мн0жєства ±же въ вёрэ t земли2 престaвлєныz, за мн0­жество млcти, ±же содBzнаz и4ми въ житіи2, презирaz согрэшє1ніz.

БGор0диченъ: Ўмоврeднw грэхи2 содёzхъ мнHги дв7о, мучeніz њжидaю пр0чее, t негHже мS и3збaви, несумнённымъ сeрдцемъ къ тебЁ приходsщаго, и3 б9eственный покр0въ тв0й призывaюща.

И$нъ.

Їрм0съ: ТS пaче ўмA и3 словесE м™рь б9ію, въ лёто безлётнаго неизречeннw р0ждшую, вёрніи є3диномyдреннw величaемъ.

Страдaній сщ7eнныхъ м§нцы, возда‰ніz пріeмше, даровaти тS нhнэ м0лzтъ, вёрою престaвлєнымъ сп7се, њслаблeніе.

Ўмерщвлeніе претерпёлъ є3си2 є3ди1не сп7се безсмeртне, и4же воскrніе мє1ртвымъ подаS ћкw бlгоутр0бенъ, и3 безсмeртіz свётлость.

Слaва: И#спрaвилъ є3си2 нaсъ пaдшихъ въ смeрть, и3 на жив0тъ вёчный надёzтисz научи1лъ є3си2, є3г0же ўлучи1ти твои6мъ рабHмъ сп7се, дaруй.

БGор0диченъ: Зак0на сBни преид0ша ржcтв0мъ твои1мъ, и4стина возсіS, бlгодaть даровaсz бцdе: тёмже тS величaемъ.

Тaже, Дост0йно є4сть: И# покл0нъ. Посeмъ є3ктеніA, и3 свэти1ленъ, и3 pалмы2 nбы6чны.

На хвали1техъ стіхи6ры м§нчны, глaсъ є7:

Бlгословeно в0инство нбcнагw цRS: ѓще бо и3 земнор0дни бёша стrтотeрпцы, но ѓгGльскій сaнъ тщaхусz дости1гнути, њ тэлесёхъ неради1вше, и3 страстeй рaди безпл0тныхъ спод0­бишасz чeсти. тёмже мlтвами и4хъ гDи, сп7си2 дyшы нaшz.

Стrтон0сцы твои2 гDи, чинHмъ ѓгGльскимъ ўпод0бльшесz, ћкw безпл0тніи, м{ки претерпёша, и3 є3диномhсленно ўповaніе и3мyще, њбэщaнныхъ бlгъ наслаждeніе. мlтвами и4хъ хrтE б9е, поми1луй нaсъ.

С™jи м§нцы, на земли2 подви1гшесz, мрaзъ претерпёша, и3 nгню2 предaшасz, водA и4хъ пріsтъ. тёхъ є4сть глaсъ: проид0­хомъ сквозЁ џгнь и3 в0ду, и3 и3зведE ны2 въ пок0й. тёхъ мlтвами б9е, поми1луй нaсъ.

Въ мyкахъ сyще с™jи, рaдующесz вопіsху: кyплz нaмъ сyть сі‰ ко вLцэ. вмёстw бывaющихъ рaнъ на тэлесёхъ, свётлое њдэsніе въ воскrніе процвэтeтъ нaмъ, за безчeстіе вэнцы2, за ќзы темни6чныz рaй: и3 за є4же со ѕлодёи њсуждeніе, є4же со ѓгGлы житіE. мlтвами и4хъ гDи, сп7си2 дyшы нaшz.

Ты2 создaвый мS гDи, и3 положи2 на мнЁ рyку твою2, и3 заповёдавъ ми2 рeклъ є3си2: въ зeмлю пaки п0йдеши. настaви мS на прaвый пyть тв0й, прощaz мнЁ прегрэшє1ніz. њслaби ми2, и3 сп7си1 мz, молю1сz, ћкw чlвэколю1бецъ.

Слaва, и3 нhнэ, бGор0диченъ: Qле nкаsннаz душE! кjй tвётъ и4маши рещи2 судіи2 во џнъ чaсъ, є3гдA пrт0ли постaвzтсz на судЁ, и3 судіS пріи1детъ t нб7съ, сошeдъ со тьмaми ѓгGльскими; є3гдA сsдетъ на суди1щи, прю2 сотвори1ти съ рабы6 непотрeбными, под0бными мнЁ, что2 tвэщaти и4маши; чт0же принести2 тогдA; пои1стиннэ ничт0же, ќмъ и3 тёло њскверни1вши твоE. тёмже припади2 къ дв7э, и3 зови2 непрестaннw, подaти тебЁ богaтнw грэхHвъ прощeніе.

На стіх0внэ стіхи6ры пок0йны, глaсъ є7:

Под0бенъ: Рaдуйсz:

Свётомъ лицA твоегw2 хrтE, престaвлєныz ћкw щeдръ просвэти2. всели2 | въ мёсто ѕлaчно, при водaхъ твоегw2 чcтагw и3 б9eственнагw пок0z, въ желaемыхъ нёдрэхъ ґвраaма прaoтца, и3дёже свётъ тв0й чи1стэ сіsетъ, и3 проливaютсz и3ст0чницы бlгостhни: и3дёже ликyютъ ћснw веселsщесz прaведныхъ всёхъ соб0ри њ твоeй бlгости. съ ни1миже ўчини2 рабы6 тво‰, подаS и5мъ вeлію млcть.

Стjхъ: Бlжeни, ±же и3збрaлъ и3 пріsлъ є3си2 гDи.

Пёти всесостaвными глaсы, славосл0вити же твою2 держaву, бlговоли2 щeдре, престaвльшыzсz t приврeменныхъ къ тебЁ вLцэ всёхъ и3 бGу нaшему, подаS красот0ю твоeю њсвэщaтисz, и3 слaдкагw и3 крaснагw причaстіz твоегw2, воспріsти же и3 наслаждaтисz чcтёйше: и3дёже џкрестъ пrт0ла твоегw2 ликyютъ ѓгGли, и3 с™hхъ ли1цы рaдостнw њбстоsтъ. съ ни1миже твои6мъ рабHмъ пок0й подaждь, и3 вeлію млcть.

Стjхъ: Дyшы и4хъ во бlги1хъ водворsтсz.

И#дёже прbр0кwвъ ли1къ, ґпcлwвъ и3 м§нкwвъ чи1нове, и3 вси2 и5же t вёка њправди1вшіисz твоeю сп7си1тельною стрaстію и3 кр0вію, є4юже и3скупи1лъ є3си2 плэнeнаго человёка, тaмw вёрою ўс0пшыz ўпок0й, ћкw чlвэколю1бецъ, прощazй согрэшє1ніz: є3ди1нъ бо безгрёшенъ на земли2 пожи1лъ є3си2 с™ъ вои1стинну, є3ди1нъ во ўмeршихъ своб0дь. тёмже твои6мъ рабHмъ пок0й подaждь, и3 вeлію млcть.

Слaва, и3 нhнэ, бGор0диченъ: Зак0номъ грэх0внымъ нaсъ порабощeнныхъ свободи1ла є3си2 вLчце, въ ложеснaхъ законодaвца и3 цRS хrтA зачeнши є3ди1на дв7о м™и, и4мже њправдaемсz тyне, и3 бlгодaтію: є3г0же нhнэ моли2, дyшы вёдущихъ тS бGом™рь, написaти въ кни1зэ жив0тнэй, ћкw да ходaтайствомъ твои1мъ спaсшесz всенепор0чнаz, сн7а твоегw2 любeзное и3збавлeніе полyчимъ, томY покланsющесz, подаю1щему мjрови вeлію млcть.

Въ суббw1ту бlжє1нны, глaсъ є7:

Разб0йникъ на кrтЁ бGа тS бhти вёровавъ, хrтE, и3сповёда тS чи1стэ t сeрдца, помzни1 мz гDи, вопіS, во цrтвіи твоeмъ.

Стjхъ: Бlжeни и3згнaни прaвды рaди, ћкw тёхъ є4сть цrтво нбcное.

Началоѕл0бнаго врагA, ўмeрше м§нцы, погуби1сте, и3 взы­д0сте къ вы6шнимъ, вэнчaвшесz б9eственными побёдами, и3 цRю2 всёхъ бGу предстaсте.

Стjхъ: Бlжeни є3стE, є3гдA пон0сzтъ вaмъ, и3 и3зженyтъ, и3 рекyтъ всsкъ ѕ0лъ глаг0лъ, на вы2 лжyще менE рaди.

Сщ7eнства свётомъ с™и1теліе просвэщaеми прослaвишасz, и3 прпdбныхъ мн0жество присносyщный получи1ша жив0тъ: тёмже ўбlжaеми сyть.

Стjхъ: Рaдуйтесz и3 весели1тесz, ћкw мздA вaша мн0га на нб7сёхъ.

Съ ли1ки и3збрaнныхъ на мёстэ вLко њслаблeніz, и5хже престaвилъ є3си2, всели2 сл0ве, презрёвъ хrтE, ±же на земли2 тёхъ согрэшє1ніz.

Слaва: Q трbце чcтнaz! с™и1телей и3 м§нкъ чcтнhхъ п0двиги ўмолeна бyди: вёрою ўмeршихъ душaмъ сп7сeніе дaруй, и3 вeлію млcть.

И# нhнэ: Ћже невмэсти1маго всёми, бGорaдованнаz вмэсти1ла є3си2, и3 р0ждши пaче є3стествA и3 сл0ва, того2 млcтива бhти всBмъ вLчце ўмоли2.

Конeцъ пsтому глaсу.

 

Очікується текст

Очікується текст